Plantun de Prouvènço

Pèr coumpara dos planto d'encò nostre

Hieracium pseudocirritum & Campanula rotundifolia subsp. rotundifolia

Hieracium pseudocirritum

Asteraceae Compositae

Nom en français : Épervière.

Descripcioun :
Aquesto esparello trachis en mountagno sus li pelouso e dins li melounié. Fai partido dóu group HIERACIUM qu'an de fueio quàsi sènso glando, dentado souvènt, e emé un pecou. L'esparello fausso-frisouleto a de fueio dentado proun descoupado, un pau verdalo, de cop que i'a tacado. Li flour coumpausado an de bratèio emé proun de péu estela e de péu glandoulous negre.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 60 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Hieracium
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) flour : 2 à 3 cm
Flourido : Jun - Estiéu

Sòu : Ca
Autour basso e auto : Pancaro entresigna
Aparado : Noun
Jun à avoust

Liò : Melounié - Pelouso
Estànci : Subaupen à Aupen
Couroulougi : Ouroufito aupenco
Ref. sc. : Hieracium pseudocirritum (Favre) Touton & Zahn, 1905 (= Hieracium bifidum auct. p.p. )

Campaneto(-di-fueio-redouno)

Campanula rotundifolia subsp. rotundifolia

Campanulaceae

Autre noum : Campanello(-di-fueio-redouno).

Nom en français : Campanule à feuilles rondes.

Descripcioun :
Aquesto campaneto èi coumuno en mountagno. A dos meno de fueio, aquéli d'en bas (pas toujour aqui quouro flouris) soun redouno emé un pecou, e li d'en aut primo. La subsp. rotundifolia, que trachis dins li tepiero roucaiouso e li esboudèu, a uno racino mai primo que la subsp. rotundifolia de basso Prouvènço.

Usanço :
Es uno planto manjadisso. La racino sèmblo apasima li doulour.